Það var óskað eftir bumbumynd svo TaTa. Eins og þið sjáið þá fer það ekki fram hjá neinum að ég sé ólétt þessa dagana, ég er HUGE!

Við höfum verið á fullu undanfarið. Gummi kláraði síðustu kúrsana sína í síðustu viku á á bara eftir að klára smá vinnu fyrir einn prófessorinn.
Vörnin mín var svo í dag og því þungu fargi af mér létt, þó ekki bókstaflega eins og þið sjáið á myndinni . Ég á því bara eftir að klára ritgerðina og þá verð ég líka búin, jeijeijeijeijeijeijeijeijeijeijei.

Framundan er svo útskriftin og erum við svo heppin að stór hluti af fjölskyldum okkar ætlar að mæta. Ef þau lesa þetta þá er kannski rétt að minna þau á að það er ekki seinna vænna en að fara að hækka erlendu heimildina á kreditkortunum .

Svo þurfum við víst að fara að byrja að undirbúa komu frumburðarins. Mér skilst að 3 samfellur og 1 par af skóm sé ekki nóg .

En talandi um skó, uppáhalds umræðuefnið mitt, þá verð ég að sýna ykkur bjútífúl skóna sem að ég var að enda við að panta. Þeir lofa þeim í hús fyrir 8. júní svo að þeir munu ná í hús fyrir flutninga.

Finnst ykkur þeir ekki flottir?

Það er kannski komin tími til að setja inn aðra mynd. Hún er ekkert rosalega skýr en sýnir þó aðeins meira en beinagrind.

Takk fyrir allar kveðjurnar.

Þegar ég sagði "wow this is strange" þá var svarið sem ég fékk frá truntulegu hjúkkunni "no this is cute" .

Frá því að við blogguðum síðast höfum við lent í ýmsu og aðallega veseni.

Í stuttu máli þá fyrst dó tölvan hans Gumma, svo dó hún aftur og að lokum þá dó tölvan mín.

Mín er aftur komin í gang með nýjum hörðum disk og tölvan hans Gumma er í Californiu og gaurarnir þar eru búnir að finna loksins hvað er að. Ef að það gengur að laga hana þá verður hún komin hingað aftur eftir 2 vikur. Þangað til skipum við minni tölvu bróðurlega á milli okkar þar sem við erum bæði á lokasprettinum með verkefni þessarar annar.

Ég fór í bæinn með Ásdísi í gær að kaupa jólagjafir, smotterí handa sjálfri mér og svo aðeins jóladót. Í nýja flotta símanum mínum er skrefateljari sem að segir hversu langa vegalengd maður labbar á hverjum degi. Eftir að hafa skoða hversu langt við löbbuðum þá skil ég vel afhverju mér var illt í löppunum, 8km á hælum, geri aðrir betur.

Búið ad skreyta Macy's