Síðan er rauð í dag í tilefni Valentínusardagsins.

Það byrjaði að snjóa hérna í gær og þegar maður kveikir á sjónvarpinu er ekki fjallað um annað. Kennarinn minn í gær ítrekaði það aftur og aftur að keyra varlega á leiðinni heim. Gaman hvað það er mikið gert úr smá snjókomu. Lára var einmitt að segja mér að það er búið að aflýsa tímum eftir klukkan 4 í dag í skólanum hennar. Það er víst icestorm á leiðinni.

Af okkur er annars ekkert að frétta, frekar rólegt þessa dagana hjá okkur. Við erum enn að reyna að koma okkur í læri-gírinn, ég er enn að gera öll heimadæmin á síðustu stundu og Gummi les fyrir tímana sína samdægurs. Mitt í þessum rólegheitum vorum við þó minnt á það að við búum í stórborg. Það var lögreglumaður skotinn í næstu götu við okkur fyrir nokkrum dögum. Mér finnst ég alltaf búa í svo öruggu hverfi og síðan sér maður svona í fréttunum.